|
||||||||
|
||
Idinaos kagabi sa International Theater of China ang evening gala para ipagdiwang ang ika-70 Anibersaryo ng Pagkakatatag ng China Radio International o CRI. Tumagal ito ng 3 oras, at sa pamamagitan ng iba't ibang porma ng programa, isinalaysay nito ang kasaysayan ng pag-unlad ng CRI, simula nang maitatag ito sa Yan'an cave noong ika-3 ng Disyembre, 1941. Sa ngayon, ang CRI ay isa nang moderno, komprehensibo, at bagong media na nagsasahimpapawid sa pinakamaraming lingwahe at nagbo-brodkas sa pinakadibersipikadong plataporma sa mga tagapakinig sa apat na sulok ng daigdig.
Si Chen Wei (gitna), kinatawan ng mga dating kawani ng CRI
Mahigit 900 guest ang nagsalu-salo sa evening gala na kinabibilangan ng mga embahador ng iba' ibang bansa, mga kinatawan ng mga mass media sa loob at labas ng bansa, mga lider ng CRI, mga dating kawani ng CRI, at kasalukuyang kawaning Tsino at dayuhan ng CRI.
Sina Li Dan, Zhang Zhenhua, dating Presidente ng CRI at Wang Gengnian (gitna), kasalukuyang Presidente ng CRI
Sa evening gala, opisyal na sinimulang tumakbo ang ika-70 overseas radio station, China International Broadcasting Network o CIBN, at T and D Video. Hinggil dito, sinabi ni Wang Gengnian, Presidente ng CRI, na:
"Ang CIBN ay isang bagong simula para sa CRI, ito rin ang bagong pananaliksik ng CRI para mapabilis ang pagpapabago ng media. Sa kasalukuyan, ang pinakamabisang komunikasyong pandaigdig ay multimedia, multi-language, at komprehensibong komunikasyon, at ang pinakamodernong porma ng media ay ang pagkakaisa ng tradisyonal na media at bagong media. Sa kasalukuyan, buong lakas na nagsisikap ang CRI para mapabilis ang pagkakatatag ng moderno, komprehensibo, at bagong midyang pandaigdig, at ang CIBN ay isang nukleong hakbangin para pataasin ang kakayahan ng komunikasyong pandaigdig. "
© China Radio International.CRI. All Rights Reserved. 16A Shijingshan Road, Beijing, China. 100040 |