Maliban sa Administer's Humble Garden, ang Master of Nets Garden or Wangshiyuan ay isa din sa mga pinakamaganda at pinakakilalang hardin sa Tsina. Ito ay isa sa mga klasikal na hardin sa Suzhou na kabilang sa UNESCO World Heritage Site. Hindi lamang dahil sa ganda ng hardin kaya ito kilala sa buong Tsina kung hindi dahil din sa kakaibang konstruksiyon nito na nagbibigay ng isang ilusyon.
Ang Master of Nets Garden ay tinawag na Ten Thousand Volume Hall noon at naitayo sa panahon ng dinastiyang Song bilang isang humble fisher's garden. Ang naunang nagmay-ari sa harding ito ay si Shi Zhengzhi. Matapos niyang mamatay, ang pagmamay-ari dito ay naipasa na sa hindi kokonteng kamay.
Ang harding ito ay nahahati sa dalawang bahagi, ang silangan at kanlurang bahagi ng hardin, na may lawak na 5,200 metro kuwadrado. Sa silangang bahagi matatagpuan ang mga residensyal na pamamahay habang sa kanlurang bahagi naman matatagpuan ang mga gusaling nakapalibot sa mahigit 330 metro kwadradong Rosy Cloud Pool. Nahahati din naman sa dalawang bahagi ang Rosy Cloud Pool. Sa timog bahagi nito ginaganap ang mga pangsosyal na aktibidad habang sa hilaga naman ang mga intelektwal na mga akbtibidad.
Ang nakakabilib sa konstruksyon ng harding ito ay kahit hindi talaga ito kalakihan, ngunit dahil sa pagkakaayos ng mga gusali, pabilyon, daanan, mga bato sa tabi ng Rosy Cloud Pool, aakalain mong napakalaki at napakalawak ng lugar na ito. At ang katangiang ito ang siyang nagpapatingkad pa lalo sa kagandahan ng Master of Nets Garden, isang katangiang hindi makikita sa anumang hardin sa Tsina, munti ngunit kabigha-bighani.
Back to Joshua's Blog
