THE LAST SUPPER

Kasalukuyan pong ipinalalabas dito sa Beijing ang THE LAST SUPPER, at ito ang tampok na pelikula sa aming programa.

Kinasasabikan ng mga fans ni Lu Chuan ang The Last Supper. Dapat noong July ito ipapalabas kaso nagkaroon ng delay sa approval ng SARFT kaya ngayong Disyembre ito napanood ng mga movie fans.

Naitanghal na ang pelikula sa 37th Toronto International Film Festival. At ngayon may chance na ang mga Tsino na mapanood ang epikong war drama ni Lu Chuan.

Si Lu Chuan ang direktor ng KeKeXiLi na naitampok na namin dito sa PTNT. Ang Last Supper ang ika apat na pelikula niya. Ito ay isang adaptation ng kilalang kwento na Banquet at Hongmen.

Ang main characters ng pelikula ay sina Liu Bang at Xiang Yu. Sila ay mga warlords na nagpabagsak sa Qin Dynasty. Matapos manalo sa kanyang pakikipaglaban sa Qin, inanyayahan ni Xiang Yu si Liu Bang para dumalo sa isang piging. Pero plano pala nyang patayin ang karibal.

Pokus ng pelikula kung paano lumakas ang kapangyarihan ni Liu Bang at ang pamamaraang ginamit nya para isa isang patayin ang mga taong pinaghihinalaan niyang sagabal sa kanyang plano para maging unang emperador ng Han Dynasty.

Sa Toronto International Film Festival marami ang nag abang sa pelikulang ito. Marami ang gusto makita kung paano ilalahad ni Direk Lu Chuan ang sikat na tagpong ito sa kasaysayan ng Tsina. Marami na rin kasing mga pelikula ang ginawa tungkol sa paksang ito.

Sa isang interview sa The Hollywood Reporter sinagot ni Lu Chuan ang tanong na ito. Ayon sa direktor naiiba ang The Last Supper dahil mas makatotohanan ang paglalahad nito sa aspekto ng lokasyon, props at damit ng artista. Hindi ito tulad ng ibang mga naunang pelikula dahil mas pinagtuunan nya ng pansin ang "spirit of the film." Gusto nyang ilahad ang kwento ni Liu Bang at Xiang Lu na magkatulong na pinabaksak si Emperor Qin Shihuang. Pero kalaunan bilang unang emperor ng Han Dynasty ay naging isang diktator din si Liu Bang.

Ang storya ay tulad din ng Last Supper ni Hesu Kristo na ipinagkanulo ni Hudas. May paliwanag dito si Direk Lu Chuan kung saan sinabi nyang pinili nya ang titulo na Wang De Sheng Yan, in Chinese, dahil nais nyang talakayin ang betrayal o pagkakanulo. Sa kwento di lang kasi ito pagtra-traydor ng isang kaibigan. Ito ay pagkakanulo rin sa sariling mga pangarap para sa kanyang pagnanasa. Di ba nakita natin sa simula ng pelikula ang matandang si Liu Bang na nagbabalik tanaw sa kanyang naging buhay. Kinikilala nya ang kanyang mga kakampi at kalaban. Pero nakakalungkot dahil kahit ang pinaka malapit nyang kaibigan ay pinaghihinalaan din bilang traydor.

Si Lu Chuan din ang scriptwriter ng pelikula. Sa Tsina madalas na iniimbitahan ang mga direktor para dumalo sa kasiyahan. At habang nagsusulat sabi ni Lu Chuan hindi sya dumadalo sa ano mang party. Buwan ang inilalaan nya sa pagbabasa tungkol sa kasaysayan. Matapos niyang alamin ang facts, gusto nyang sumulat ng kakaiba. Sa panayam sa The Hollywood Reporter sinabi ni Lu Chuan na di sya naniniwala sa mga nakasulat sa libro kaya sinusuri nya ito. Kinakausap nya ang mga eksperto matapos ang prosesong ito saka lang sya nagsisimulang magsulat ng script. Dagdag nya ang unang pangungusap sa pelikulang The Last Supper: "Two thousand years ago, all the cities were built in the forest." Na- inspire daw sya dito , madami syang binago sa script pero itinira nya ang linyang ito.

Kasama sa pelikula sina Liu Ye (City of Life and Death) bilang Emperor Liu Bang, ang Hong Kong actor na si Daniel Wu (Inseparable) bilang General Xiang Yu. Si Chang Chen, mula sa Taiwan (Crouching Tiger, Hidden Dragon), bilang Han Qin.

Si Liu Bang

Si Xiang Yu

Si Han Xin

Si Lu Zhi

Pinili ni Lu Chuan ang mga aktor na ito dahil sila ay may ibat ibang pag unawa sa kasaysayan. Makakatulong ito para lubos nilang maunawaan ang tema ng pelikula na pagkilala sa tunay na kaibigan at pagtukoy sa tunay na kalaban.

Alam mo bang 3 taon bago natapos ang pelikulang ito? Grabe ganun katagal ang paglikha nya ng pelikula.

Kung umaasa kayong may Kung Fu at war scenes, wala masyado. Ang Last Supper ay nagpakita ng emosyonal na aspeto batay sa isang tagpo sa kasaysayang Tsino.

Cast:

Liu Ye ...Liu Bang

Daniel Wu ...Xiang Yu

Chang Chen ...Han Xin

Nie Yuan ...Xiang Zhuang

Sha Yi ...Xiao He

Qin Lan ...Lu Zhi

Huo Siyan ...Concubine Qi

He Dujuan ...Consort Yu

Li Qi ...Xiang Bo

Tao Zeru ...Fan Zeng

Hao Bojie...Yu Ziqi 

Qi Dao ...Zhang Liang

Zhao Liang...Wu She

Lu Yulai ...King of Qin

Zhao Xiang...Kuai Che

Yu Shaoqun