BEIJING BLUES

Bilang Christmas treat ibinahagi ng inyong movie buddies ang ilang bagong mga pelikula sa mga manonood.

Kabilang dito ang Back to 1942, Last Supper at ang Lost in Thailand. Ang featured film ngayong linggo bagamat hindi bago ay isang award winning film.

Talagang pinapurihan ito ng mga maraming mga kritiko. Ang BEIJING BLUES ay pelikula ni Gao Qunshu. At bida dito ang sikat na blogger na si Zhang Lixian. Sya din ang publisher ng popular na magazine / aklat na "Duku."

Ang cast ng pelikula ay kinabibilangan ng mga non-pro actors pero magaling naman umarte.

Si Zhang Lixian

Si Wang Xiaoshan

Bukod kay Zhang Lixian kasama din sa pelikula sina Wang Xiaoshan, Ning Caishen, Gu Xiaobai, Zhao Mingyi, Zhao Yunpeng, Kong Ergou.

Si Dai Yang ang Screenwriter ng pelikula at si Wu Di naman ang Director of photography. Nasabi ko kanina na ang pelikula ay nakakuha ng gawad, ito'y mula sa Golden Horse Awards, ang Chinese-language equivalent ng Oscars, at napili ang Beijing Blues bilang Best Film.

Kwento. Ang pelikula ay tungkol sa isang kapuri-puring pulis at ang kanyang krusada sa paghuli ng mga mandurukot, scammer, blackmailer at samut saring mga masasamang loob sa Beijing. Umikot ang istorya sa kanyang husay sa stratehiya na laging una ng isang hakbang sa mga kriminal. Walang koneksyon ang mga istorya at ang pinaka-climax ng pelikula ay ang face-off ni Detective Zhang sa matinik na kalabang si Gold-digger Zhang.

Mga mandurukot, scammer, blackmailer...

Sa pelikulang ito malinaw ang mensahe: bawal lumabag sa batas, kahit na anong dahilan hindi dapat sawayin ito. At ang mga pulis ang siyang tagapagpatupad ng batas at dapat magsilbi sa taong bayan.

Istilo ng Pagdidirek. Parang documentary at malikot ang mga kuha pero naka-eenganyo itong panoorin. Ipinakita ni Gao Qunshu makatotohanang tagpo sa pang araw-araw na buhay Tsino nang di-naninisi bagkus ipinakita lang nito ang suliraning panlipunan na dinaranas saan man sa mundo.

Sinematograpiya. Mahusay sa paghawak ng camera si Wu Di. At anumang ideya ni Gao Qunshu ay lumalabas na maganda. Sa tulong ng kanyang mga kuha ay nakita ang bukod tanging karakter ng lungsod ng Beijing.

Rating ng Movie Buddies: 9.5 Machelle. 9 Andrea.