|
||||||||
|
||
maarte20130610
|
Isang coming of age movie ang American Dreams in China. Ibig sabihin, ito'y nagpakita sa buhay ng 3 tao simula sa kabataan hanggang sa maging matagumpay sila.
At ito ay tungkol sa pagkakaibigan at pagpupursige nina Cheng Dongqing (Huang Xiaoming), Wang Yang (Tong Dawei) at Meng Xiaojun (Deng Chao) para makamit ang tagumpay.
3 partners
Si Cheng Dongqing
Si Wang Yang
Si Meng Xiaojun
Bukod sa buhay ng 3 bida sinilip din nito ang kalagayan noong dekada 80 kung saan maraming mga Tsino ang gustong pumunta sa America para mag-aral at makipagsapalaran sa "Land of Opportunity"
TALAKAYAN SA PROGRAMA:
• Yu Minhong, Sino siya?
Si Yu Minhong
• Pokus ng pelikula ang pag-aaral ng wikang Ingles. Napakaraming tutorial centers sa Tsina hindi ba sapat ang pag-aaral ng wikang ito sa mga regular na eskwelahan?
• Bakit noong 1980s may exodus ng mga undergraduates papuntang USA at bakit sa isip nila sa USA lang nila makukuha ang magandang kinabukasan?
• American Dream noon, Chinese Dream ngayon. Ano ang pagbabago sa kasalukuyan kaisipan ng mga Tsino hinggil sa pagpunta sa ibayong dagat?
• Bakit hindi pwedeng magsosyo ang magkakabarkada? Sa pelikula ano ba ang mga pinagtalunan at pinag-awayan nila Cheng Dongqing at Meng Xiaojun?
• Ano ang pinakamahalagang mensahe ng pelikula?
Mainit na pinag-usapan sa Weibo ang pelikula, Marami ang bumatikos dito dahil sa depinisyon ni Peter Chan, Direktor ng pelikula sa tagumpay. May mga nagsabi na wala itong kwenta dahil sinusukat nito ang tagumpay sa pamamagitan ng pagkamal ng sako-sakong pera, IPO sa Amerika at ang pagyayabang sa lugar kung saan minsan napahiya ang isang bida.
Di rin nakaligtas sa mga manonood ang eksena sa kasal ni Wang Yang, kung saan ibinahagi niya ang 3 pinaka-importanteng bagay na natutunan niya sa buhay : 'wag makipaglaro ng mahjong sa biyenan, 'wag papatol sa babaeng mas matalino sa iyo at 'wag papasok sa negosyo kasama ang iyong mga matatalik na kaibigan.
Sa pagtatapos ng pelikula binigyang pugay ni Peter Chan ang ilang Tsino na nagtagumpay sa kani-kanilang mga negosyo. Kabilang dito sina Jack Ma ng Alibaba Group Holdings, Lenovo Founder, Liu Chuanzhi, ang CEO ng Sohu.com na si Charles Zhang, si Wang Shi kilalang Real Estate mogul at ang dating Google China big boss na si Kai Fu Lee.
MOVIE BUDDY RATING; Andrea 9 / Ernest 9
© China Radio International.CRI. All Rights Reserved. 16A Shijingshan Road, Beijing, China. 100040 |