Sci-fi action comedy ang Machi Action at ito ay surprise hit sa Taiwan. Ipinalabas ito noong 18 April 2013 sa Taiwan at nasa ikatlong pwesto ito sa likod ng The Grandmaster at Life of Pi.
Ano ang kwento? Isang isang artista na gumaganap bilang superhero ang bida ng pelikula (Tienan papel ni Bolin Chen) pero matapos ang higit 10-taon ng pagpapalabas, nagdesisyon ang mga producers nito na palitan ang artista at i-overhaul ang show para tumaas ang ratings.
Matapos masibak sa lead role na Super Hero Fly, sinundan ng pelikula ang naging takbo ng buhay ni Tienan at ng kanyang sidekick na si Monster (Qiu Yanxiang). Nahirapan si Tienan sa paghahanap ng raket sa showbiz dahil hindi siyang alam gampanan kundi ang role ni Super Hero Fly.
Sa Pilipinas, maraming mga programa sa TV ang tungkol sa superheros. At ang show na Super Hero Fly ay parang Bioman, Ultraman o Power Rangers. Kaya nung pinapanood ko ang pelikula naaalala ko yung mga episodes ng mga shows na ito. Naka relate agad ako. At natawa ako sa behind the scenes production na ipinakita sa pelikula.
Sa tingin ko nagtagumpay si Direk Jeff Chang sa una niyang pelikula at maging ang writer na si Giddens Ko (You're the Apple of my Eye) sa paggawa ng nakakatawang pelikula na may drama sa bandang huli. Paano nga ba babangon ang isang laos na superhero actor? Extra sa pelikula? Porn Star? TV Shopping host?
1 2 3 4 5 
