|
||||||||
|
||
130701melo
|
Bureau of Immigration, may bagong visa sticker para sa mga turista
GUMAGAMIT na ng bagong sticker ang Bureau of Immigration para sa mga pasaporte ng mga aplikante para sa visa extension upang maiwasan ang paglaganap ng palsipikadong stamps na nakakabiktima ng maraming mga banyaga sa nakalipas na panahon.
Sinabi ni Commissioner Ricardo David, Jr. na ang sticker ang ipinalit sa basang selyo (wet stamps) na ginagamit ng kagawaran sa pagbibigay ng visa extensions sa mga banyaga upang magtagal sila sa Pilipinas. Sinimulang gamitin ang sticker para sa visa extension applicants mula noong Lunes, ika-17 ng Hunyo.
Ang machine-generated sticker ay may security at tracking features na hindi makokopya o magagawa ng mga sindikato.
Sa paraang ito, mapapabilis ang transaksyon sa visa section ng kagawaran at mapapabilis din ang paghahanap ng records at makikilala ang palsipikadong mga dokumento.
Ipinaliwanag ni Commission David na hindi lamang mga banyaga ang nabiktima ng illegal na gawaing ito kungdi pati ang pamahalaan na nawalan ng mas malaking kita. Gumagamit ng mga pekeng stamps ang mga fixer upang makaiwas sa pagbabayad ng immigration fees at naibubulsa ang salaping para sana sa pamahalaan.
© China Radio International.CRI. All Rights Reserved. 16A Shijingshan Road, Beijing, China. 100040 |