|
||||||||
|
||
melo/20130808.m4a
|
BINALAAN ni Pangulong Benigno Simeon Aquino III ang mga nasa likod ng kaguluhan sa Mindanao na mararanasan ang tindi, lalim at lakas ng tugon ng pamahalaan kung sila'y hahadlang sa palatuntunang pangkapayapaan.
Hindi umano magtatagumpay ang anumang gagawin upang hadlangan ang daan tungko sa kapayapaan at katatagan upang tuluyang umunlad ang Mindanao.
Ito ang buod ng kanyang talumpati sa 22nd Mindanao Business Conference sa Davao City kanina. Kasama niya ang kanyang mga miyembro ng gabinete.
Higit na sa 12 katao ang nasawi sa mga pambobomba sa Mindanao.
Idinagdag ni Pangulong Aquino na matagal ng kumikilos ang pamahalaan upang masugpo ang mga ito at nagkaroon na rin ng mga mumunting tagumpay. Idinagdag pa niya na hindi umano makahahadlang ang mga gawaing ganito sa kapayapaan at katatagan upang makita ang tunay na yaman ng Mindanao.
Tiniyak ni Pangulong Aquino na sinisiyasat nila ang mga pambobomba sa Cagayan de Oro City, Cotabato City at maging sa North Cotabato. Inaalam pa ng pamahalaan kung may koneksyon ang mga pambobombang ito sa isa't isa.
© China Radio International.CRI. All Rights Reserved. 16A Shijingshan Road, Beijing, China. 100040 |