Dinagdagan ni Pauline Louise Lopez ang medalyang ginto ng Pilipinas sa Ika 2 Asian Youth Games matapos siya manalo sa Women's 55kg ng Taekwondo.
Pauline Louise Lopez ng Pilipinas sa medal ceremony ng Women's 55kg final ng Taewondo. Pinanalunan ni Lopez ang pangalawang gintong medalya ng bansa sa Ika-2 AYG
Lamang ng 3-0 si Lopez sa unang round ng laban niya kay Fariza Aldangorova ng Kazakstan. Sa round 2 bumawi ang Kazak Jin at nakakuha ng dalawang puntos para ilapit ang iskor sa 3-2. Pero di umubra ang kalaban ni Lopez sa pangatlong round at isinara ang laban sa Women's 55kg final sa iskor na 4-2.
Sa panayam ng AYG ilang minuto matapos ang laban, sinabi ni Lopez na kabado siya bago ang laban. Pero naniniwala siya sa gabay ng Panginoon. Ang Diyos ang naging paraan sa pagsali niya sa
Asian Youth Games. Nawala ang nerbyos nya at ginawa nya ang lahat ng makakaya.
Gold medallist ng Pilipinas na si Pauline Lopez (pangalawa sa kaliwa), silver medallist na si Aldangorova Fariza ng Kazakstan (una mula kaliwa), bronze medallists Fawareh Rania mula sa Jordan (pangalawa mula kanan) at Mamadibragimova Dinorakhon ng Uzbekistan sa awarding ceremony Women's 55kg ng Taewondo
Pagkatapos ng AYG magsasanay ang 17 taon gulang na taekwondo jin at umaasa siyang magkakaroon siya ng mas maraming pagkakataon para makasali sa mga kumpetisyon. Nais ni Lopez na bumalik sa Nanjing sa 2014 para sumali sa Youth Olympic Games.
Reporter: Machelle at Lele
