A CHINESE GHOST STORY

Ang A Chinese Ghost Story, ay kilala rin sa titulo na A Chinese Fairy Tale. 2011 ipinalabas ang fantasy-supernatural film na directed ni Wilson Yip.

Starring dito sina Louis Koo, Liu Yifei, Yu Shaoqun, Kara Hui, Louis Fan, and Wang Danyi Li. Ang pelikula ay isang adaptation mula sa Strange Stories from a Chinese Studio ni Pu Songling. Ito'y isang collection ng supernatural stories noong sinaunang panahon sa Tsina.

Ang A Chinese Ghost Story (2011) ay isang remake ng 1987 version na dinerehe ni Ching Siu-tung at prinodyus ni Tsui Hark. Sa huling bahagi ng pelikula ipinakita sa credits na ito'y handog sa alaala ni Leslie Cheung na gumanap sa orihinal na papel ni Ning Choi San. At maging ang kanta sa end credits ay ang theme song ng original 1987 version na inawit ng yumaong aktor na si Leslie Cheung.

Tungkol sa pag-iibigan ng demon at tao ang pelikula. Si Siu Sin (Liu Yifei) ay na-in love sa demon hunter na si Yin Chek Ha (Louis Koo). Pero imposible silang magkatuluyan kaya pinili ni Yin na saksakin si Siu Sin para mawala ang lahat ng alaala nito.

Paglipas ng maraming taon kontrolado pa rin ni Laolao (Kara Hui), isang tree demon si Siu Sin at iba pang magagandang multo. Binibiktima nila ang mga lalaki para kunin ang kanilang "life energy." At sa isang enkwentro nagtagpo si Ning Choi San (Yu Shaoqun) at si Siu Sin. Nahulog din ang loob ni Ning sa misteryosong diwata.

Para mapalaya ang mga demons o diwata kailangan magapi ang Tree Demon. Kaya nagtulong-tulong sina Xia Xuefenglei (Louis Fan) at Xia Bing (Wang Danyi Li) at sina Yin at Ning para mapaslang si Laolao at mailigtas si Siu Sin.

Ano ba ang kaibhan ng 2011 sa 1987 version ng A Chinese Ghost Story? May mga elementong ginamit at di binago si Wilson Yip. Napakalaking hamon para sa isang direktor na gumawa ng remake ng isang classic film na pinuri ng kritiko at tinangkilik ng mga fans.

Gaya ng nabanggit natin sa simula, ginamit ni Yip ulit ang kanta ni Leslie Cheung. Pareho rin ang costumes at character design kaya may parehong "feel" ito ng original. Nagbago lang sa love triangle sa pagitan ni Yin, Siu Sin at Ning.

Mabilis ang pacing ni Director Wilsin Yip. At sa tulong ng Cinematographer na si Arthur Wong ay nilikha nila ang isang version na may tatak na "old Hong Kong cinema." Malaki rin ang kaibhan syempre sa visual effects. High tech na ito ay kawili-wiling panoorin.

Pagdating sa mga artista, mahirap tumapat sa original cast. Pero nabigyan naman ng justice nila Louis Koo, Liu Yifei, Kara Hui, Louis Fan at Wang Danyi Li ang kani-kanilang mga papel.

Tila si Yu Shaoqun ang may pinaka malaking hamon kasi mahirap lagpasan ang pagganap ni Leslie Cheung sa role ni Ning. Kung ihahambing sa mga naunang pelikula mas magaling na si Yu sa pag-arte bagamat di nya kayang tapatan ang naging pagganap ni Cheung sa lumang bersyon ng pelikula.

RATING: Andrea 8.5 / Machelle 8

Si Liu Yifei