Mga kaibigan, sa ngayon ay napakarami nang mga dayuhan ang naninirahan, nagtatrabaho, at namamalagi sa Tsina: dahil na rin sa magandang oportunidad na hatid ng bansa sa mga expatriates, o sa lokal na salita, "wai guo ren" o "laowai."
Simula nang buksan ang Tsina sa labas at kasabay ng pambihirang pag-angat ng ekonomiya nito, napakaraming mga "wai guo ren" ang nagpakita at nagpapakita ng interes na mamalagi rito. Siyempre, hindi pahuhuli riyan ang mga Filipino. Ayon sa embahada ng Pilipinas sa Beijing, mayroong humigit-kumulang sa 3,000 ang mga Pilipino na narito ngayon sa Beijing.
Ayon naman sa census ng Tsina, noong katapusan ng taong 2010, mayroon nang halos 600,000 dayuhan sa mainland. At siyempre, kahit wala tayong hawak na opisyal na datos, siguradong mas mataas ang bilang na ito sa kasalukuyan.
Maraming mga positibong bunga ang idinulot nito at mayroon din namang ilang negatibong epekto.
Pero, bukod diyan, masasabi nating talagang pinahahalagahan ng pamahalaang Tsino ang pambihirang kontribusyon ng mga "wai guo ren" o "laowai" sa pag-angat ng kamalayan ng mga mamamayan ng bansa. Makikita iyan mismo, sa ilang mga pahayag ni Pangulong Xi Jinping.
1 2 3 4
