Kakatapos lang po ng isang linggong bakasyon para sa pagdiriwang ng anibersaryo ng pagkakatatag ng People's Republic of China, at sa palagay ko, marami pa rin ang may hang-over sa bakasyon, kasama na po ang inyong lingkod
Pero, bukod po riyan, noong bakasyon ay nagkaroon po ako ng pagkakataon na mag-ikut-ikot sa Beijing para magrelaks at obserbahan ang mga nangyayari sa bakasyong ito. Habang naglalakad ako sa isang "hutong," o sinaunang komunidad sa may gawing silangan ng Beijing, kung saan matatagpuan ang maraming lumang gusali; napansin ko ang tatlong dalagita sa gitna ng napakaraming turistang namamasyal.
Lilinawin ko lamang, kasama ko po ang aking asawa nang makita ko ang tatlong binibini, at ang dahilan kung bakit ko sila napansin ay nakasuot sila ng tradisyonal na kasuotang Tsino: espisipiko, tradisyonal na kasuotang Han.
Makikita po ninyo ang larawan ng tatlong dalagita sa kolum ng Dito Lang 'Yan Sa Tsina.
1 2 3