|
||||||||
|
||
Sa isang pambansang pahayag sa lahat ng himpilan ng telebisyon kagabing ikapito at apatnapu't lima ng gabi, binigyang diin ni Pangulong Aquino na pagnanakaw ang tunay na ugat ng isyu sapagkat pinipilit umanong tabunan ang mga katiwaliang nadiskubre kamakailan.
Malaki umano ang kanilang pagkakaiba sapagkat hindi nagnakaw ang kasalukuyang administrasyon at sila ang nasa likod ng pag-uusig sa mga magnanakaw. Pawang mga taong may integridad ang nasa puesto na tumutupad sa mga sinumpaang tungkulin. Ito raw ay kinabibilangan ng liderato ng Commission on Audit.
Pilit na ipinagtanggol ni Pangulong Aquino ang kanyang Development Assistance Fund na hinihiling ng mga mamamayan na kinabibilangan ng mga netizen na alisin na rin tulad ng kontrobersyal na Priority Development Assistance Fund (PDAF) ng mga senador at kongresista.
Ipinaliwanag ni Pangulong Aquino na ang DAP ay nagmula sa mga salaping natipid at nalikom na kita ng gobyerno. Kabilang sa pinag-ugatan ng DAP ang maganda at masigasig na pagsingil ng buwis at kinita ng mga government-owned and controlled corporation. Inihalimbawa niya ang Metropolitan Waterworks and Sewerage System na ngayo'y nagbibigay na ng dibidendo.
Nagmula rin da rang DAP sa mga ahensyang hindi nakasunod sa timetable ng mga proyektong kaya't hindi na nagastusan.
Sa kanyang 12-minutong talumpati, wala siyang pinangalanang nasa likod ng pagsasabwatan at wala rin siyang binanggit na naparusahan sa mga ahensyang hindi nakapagpatupad ng mga proyekto ayon sa takdang panahon.
© China Radio International.CRI. All Rights Reserved. 16A Shijingshan Road, Beijing, China. 100040 |