FAKE FICTION

20131104.m4a

Para sa mga nakakalimot si Xu Zheng ang bida sa mega hit na pelikulang Crazy Stone (2006)Sinundan ito ng Call for Love (2007) Crossed Lines (2007) at Crazy Racer (2009).

2010 muli nanamang tumabo sa takilya ang pelikula ni Xu Zheng na Lost on Journey tapos sinundan ito ng monster hit na Lost in Thailand (2012).

Para sa taong 2013 lumabas siya sa mga pelikulang One Night Surprise at Fake Fiction.

Si Xu Zheng ang isa sa mga bankable stars ng showbiz dito sa Tsina. Marami na siyang nagawang pelikula. Pati mga commercials ay in demand din ang komedyante.

41 years old na ang sikat na actor at para sa mga di nakakaalam ipinanganak siya sa Shanghai.Bukod sa pagiging actor, si Xu Zheng ay isa ring director, screenwriter at producer. Nagtapos siya sa Shanghai Theatre Academy noong 1994.

Sa kanyang pagganap bilang con-artist/magician na si David Ou, kapani-paniwala ang kakayanan nyang gumawa ng tricks. Syempre di na pagtatalunan, hit na hit ang comic scenes nya. Pero pagdating sa dramatic at emotional scenes, ipinakita niya ang pinakamadaling paraan para ilahad ang emosyon ng karakter niya, ito'y walang iba kundi ang sumigaw at magwala, over-acting at walang lalim. Mukhang madami pa siyang pagdadaanan para makaantig ng damdamin pagdating sa mga madramang eksena.

Di na bale sinalo naman siya ni Zhang Zifeng na gumanap bilang long lost daughter na si Diudiu. Napanood natin sya sa pelikulang Aftershock at talagang pang drama ang batang ito. Malayo ang mararating niya dahil magaling siyang umarte at kaya niyang makipag sabayan sa mga beteranong tulad ni Xu Zheng.

Sa kabuuan ang Fake Fiction ay isang family film na magugustuhan bata man o matanda.

RATING Machelle at Andrea : 9 points

Si Xu Zheng

Si Zhang Zifeng

1 2