|
||||||||
|
||
20131118Meloreport
|
UMABOT na sa 11.5 milyong Pilipino ang apektado ng bagyong "Yolanda." Sa pinakahulaing pagtataya ng pamahalaan, nabanggit din na mayroong apat na milyong mamamayan ang nawalan ng tahanan at may 350,000 mga mamamayan ang naninirahan sa 1,560 evacuation centers. May 2.5 milyong Pilipino ang nangangailangan ng pagkain.
Ito ang nilalaman ng pinakahuling update ng Office of the Coordinator for Humanitarian Affairs ng United Nations na inilabas ngayong araw ng Lunes. Tinataya ng mga kabalikat ng pamahalaan na may 814,000 katao, karamiha'y nasa Leyte Province, ang nakatanggap na ng relief goods.
Sa Lungsod ng Tacloban, may tubig na para sa 80% ng mga mamamayan (276,400) sapagkat naayos na ang water treatment plant.
Isang nakalulungkot ng situwasyon ang pagkakasama ng 46% ng mga health facilities sa apat na nasuring rehiyon ang hindi magamit samantalang 628 mga paaralan ang napinsala at mayroon namang 893 mga paaralan ang evacuation centers ngayon.
Ayon sa National Disaster Risk Reduction and Management Center, 3,976 na ang nasawi, 18,175 ang nasugatan at may 1,598 ang nawawala hanggang kaninang ika-anim ng umaga.
© China Radio International.CRI. All Rights Reserved. 16A Shijingshan Road, Beijing, China. 100040 |