|
||||||||
|
||
Mga Bicolano, nagdala ng tulong sa mga nasalanta ni "Yolanda"
NAKATAKDANG dumating ngayong gabi ang koponan ng mga taga-Albay sa Basey at Marabut, Samar upang magdala ng tradisyunal na noche buena at mamahagi ng mga laruan para sa mga kabataan.
Inasahang tatanggap ng pagkain at mga laruan ang 5,000 katao sa Marabut at 7,000 naman sa Basey. Ito umano ang ika-12 humanitarian mission ng Team Albay – Office of Civil Defense Regional Office No. 5. Nakapagdala na rin sila ng ayuda sa Tacloban kamakailan.
Noong 2011, dumalo rin ang mga taga-Albay sa mga nasalanta sa Cagayan de Oro at sa Iligan City. Nagdala rin sila ng mga ala-ala noong Valentine's Day sa Guihulngan. Noong nakalipas na taon, dumalaw din ang Team Albay sa Cateel.
Magugunitang nagdala ng 17 sasakyan, 179 katao at ayudang nagkakahalaga ng P 7.5 milyon. Nagpapasalamat ang Albay sa pagdalaw ng may 50,000 mga Tsino, pagbabalik ng mga butanding at pagtaas ng presyo ng copra mula P 22 hanggang P 38 bawat kilo.
Ayon kay Gobernador Jose Sarte Salceda, noong nakalipas na 2006, nagbigay ang Albay ng noche buena packs para sa may 200,000 mga taga-Albay matapos hagupitin ni "Reming".
Sa pagdating ng mga banyagang tumulong sa Tacloban City, naglingkod na lamang ang mga taga-Albay sa loob ng dalawang linggo. Kanselado ang mga tradisyunal na Christmas parties kaya't nakalikom ng sapat na salapi.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |