|
||||||||
|
||
Manggagawang mula Sudan, nakatakdang dumating ngayong gabi
LABING-ISANG manggagawang mga Pilipino na lumikas sa kaguluhan sa South Sudan ang nakatakdang dumating ngayong gabi.
Ayon kay Assistant Secretary Raul Hernandez, ang mga manggagawa ay mga enhinyero at field supervisors na tumakas mula sa South Sudan noong ika-22 ng Disyembre sakay ng isang US C-130 plane patungong Nairobi, Kenya.
Sinabi ni G. Hernandez an tuloy ang pagtulong ng mga tauhan ng embahada sa Nairobi sa mga Pilipinong nagnanais umalis ng South Sudan. Inaalam pa rin ang kinalalagyan at contact numbers ng iba pang mga manggagawang Pilipino, ayon sa tagapagsalita ng Kagawaran ng Ugnayang Panglabas.
Hiniling ng pamahalaan ng Pilipinas sa mga manggagawang nasa South Sudan na sumailalim na sa voluntary repatriation matapos ideklara ang Alert Level 3 sa magulong bansa.
Ayon sa balita, libu-libo na ang nasawi sa South Sudan kasunod ng pagtatangkang agawin ng mga military ang poder kay Pangulong Salva Kiir Mayardit.
Idinagdag ni G. Hernandez na mayroon pang 31 mga Pilipinong nasa South Sudan samantalang ang iba pang mga manggagawang Pilipino ay lumikas na patungo sa ibang bansa.
May 15 mga OFW ang nasa Uganda at may 11 pang patungo Kampala. May 20 Filipino migrants ang nasa Kenya, apat ang nasa Khartoum sa Sudan at lima ang sakay ng eroplanong patungo sa Dubai.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |