|
||||||||
|
||
PTNT/20140106.m4a
|
Gaya ng part one, ang Tales from the Dark 2 ay may tatlo ring direktor at ang mga kwento ay hango sa mga nobela ni Lilian Lee.
May tatlong segment ang pelikula. Ang una ay pinamagatang Pillow at ito ay directed by Gordon Chan. Si Lawrence Ah Mon naman ang gumawa ng ikalawang segment at ito ay tinawag na Hide and Seek. At ang ikatlo na may pamagat na Black Umbrella ay pelikula ni Teddy Robin.
Kung ilalarawan ang part two ng pelikula, ito ay mas madugo, mas malapit sa tunay na katangian ng mga horror films at mas nakakatakot kumpara sa part one.
Kung sa part one may katatawanan ang ilang bahagi ng pelikula, sa part two wala na at todo-todong horror ang ipinakita nito.
Ang Pillow ay tungkol sa isang nurse na di makatulog o may insomia. At sinubukan na niyang uninom ng pills pero wa-epek. Sa mungkahi ng doktor na ang insomia ay "psychological condition" bumili siya ng unan na makakatulong para makatulog siya ng mahimbing. At nakatulong nga ang pillow na ito para makatulog siya. Pero kapag nahihimbing sya ay nananaginip. At dahil gusto nya ang mga panaginip na ito ayaw na niyang magising. Walang kapintasan ang segment na ito ni Gordon Chan kundi ito'y isang mystery tungkol sa isang crime of passion. At ang suspense element nito ay mula sa incubus at ang multo ng pinatay na boyfriend.
Sa "Hide and Seek" naman isang barkada ang dumalaw sa kanilang eskwelahan na malapit nang gibain. Maraming fond memories ang grupo sa eskwelahan. At bilang katuwaan sila ay naglaro ng taguan o ang kilalang traditional game na Master and Ghost. Kaso sa gitna ng kanilang paglalaro lumabas ang tunay na mga ghosts.
Kumpleto ang segment na ito ng lahat ng elemento ng isang nakakatakot na pelikula. At nakita kung gaano kabihasa si Lawrence Ah Mon sa paggawa ng mga ganitong pelikula.
Epektibo ang piniling lokasyon maging ang lighting at production design ng pelikula ay malaki ang ambag sa takot-effect ng pelikula. Dagdag pa rito ang ankop na musika na talagang magpapatindig sa balahibo ng mga manonood. Pagdating sa istorya wala itong lose ends at ang ending ay isang surpresa.
Ang huli at ikatlong segment ng Tales from the Dark 2 ay isinulat mismo ni Lilian Lee.
Pinagbidahan at dinerehe ni Teddy Robin. Nakakahinayang dahil sa kabila ang blood and gore walang sense ang kwentong ito at nagiiwan ng maraming tanong sa isipan ng mga manonood.
RATING : Mac 8.5 / Andrea 9
© China Radio International.CRI. All Rights Reserved. 16A Shijingshan Road, Beijing, China. 100040 |