TUMANGGI ang isang nagngangalang Davidson Bangayan na siya rin si David Tan na isinasangkot sa pagpupuslit ng bigas papasok sa Pilipinas.
Sa kanyang pagharap sa Senate Committee on Agriculture and Food kaninang umaga, pinabulaanan niya ang mga balitang lumabas na siya rin sa David Tan. Subalit ayon kay Justice Secretary Leila de Lima, mayroon siyang dalawang sinumpaang salaysay ng dalawang saksi na kinuha ng National Bureau of Investigation na nagsasabing si Bangayan at Tan ay iisa.
Isa umano sa mga saksi ang nakatransaksyon ni Bangayan na kinasasangkutan ng multi-purpose cooperatives samantalang ang isa nama'y nagsabing sangkot sa smuggling si Bangayan. Tumanggi si Kalihim De Lima na kilalanin ang mga saksi.
Naunang sinabi ni Bangayan na siya ay isang negosyanteng nasa general trading, tulad ng bakal, mga produktong pangsakahan at iba pang mga paninda at 'di kailanman nasangkot sa smuggling.
Inamin ni Bangayan na nakakalahok siya sa bidding ng rice importation at nagsabing nakipagkalakal sa ilang farmers cooperatives.
Samantala, magsasama-sama ang mga ahensya ng pamahalaan, kabilang ang law enforcement agencies sa pagsasagawa ng imbestigasyon sa rice smuggling. Ito ang sinabi ni National Bureau of Investigation chief Virgilio Mendez sa mga mamamahayag.
Nakausap na umano ni Mendez si Kalihim Proceso J. Alcala ng Pagsasaka kahapon at paksa nila ang rice smuggling. Magsama-sama ang Department of Agriculture at Department of Jusitce, NBI at Bureau of Customs.
Sapat umano ang kanilang ebidensyang magsasabing si Bangayan at David Tan ay iisang tao lamang. Pagtutuunan nila ng pansin ang sinasabing malawakang rice smuggling.
ave enough evidence to prove that he is the one and the same person. On the identity issue, settled na kami doon," Mendez said adding that their focus now is the rampant rice smuggling.
1 2 3 4 5 
