Simbahan, kumikilos upang tulungan ang mga nasalanta
NAGSIMULA ng tumulong ang Simbahan sa mga napinsala ni Yolanda matapos ang trahedya. Higit pang pag-iibayuhin ng simbahan ang pakikiisa sa mga napinsala noong nakalipas na Nobyembre otso.
Sa press conference na pinamunuan ni Catholic Bishops Conference of the Philippines President at Lingayen-Dagupan Archbishop Socrates B. Villegas, sinabi niyang nagpapadala na ng tulong ang iba't ibang simbahan.
Sa katatapos na pagpupulong ng mga obispong Katoliko ng Pilipinas, sinabi ni Arsobispo Villegas na ipinadala ni Pope Francis si Robert Cardinal Sarah, Pangulo ng Cor Unnum na nangangasiwa sa pagtulong sa mga biktima ng trahedya.
Bukod sa spiritual at material assistance, handa ang simbahang makibalikat sa rehabilitation programs, dagdag pa ni Arsbispo Villegas.
Sa kabilang dako, walang masama sa pagdalaw ng ilang obispo sa piitang kinalalagyan ni dating Pangulong Gloria Macapagal-Arroyo mula noong nakalipas na taon.
Ani Arsobispo Villegas, depende na ito sa kanilang personal na desisyon. Sa kanyang panig, wala pang paanyaya o kahilingang dumalaw siya sa pagamutan mula sa dating pangulo ng pamahalaan.
Ito ang kanyang reaksyon sa katanungan kung kumakatawan bas a kapulungan ng mga obispo ang ginawang pagdalaw ng ilang mga obispo sa Veterans Memorial Medical Center tulad ng naganap kahapon.
1 2 3
