UP IN THE WIND

Directed by Teng Huatao at isinulat para sa pelikuka ni Bao Jingjing hango sa kanyang nobela na A Travelogue, Or A Guidebook ang pelikulang Up in the Wind.

Ang tandem nila Teng at Bao ang nasa likod din ng pelikulang Love is Not Blind. Hit movie noong New Year 2012 at kumita ng 300Million RMB sa kabila ng meager budget nito na 8M RMB.

Ang Up in the Wind ay kinunan sa napakagandang bansang Nepal. Ayon sa producers, isang buwan ang inilaan sa preproduction ng pelikula at ang Chinese crew na umabot sa 115 katao ay nanatili sa Nepal sa loob ng tatlong buwan 90% ng pelikula ay kinunan on location sa Nepal.

Sa isang panayam sa CRI, sinabi ni Teng Huatao na napili nya ang lokasyon dahil ayon sa UN ang Nepal ay isa sa mga bansang may pinakamasayahing tao. At ayon din sa datos ng UN ito'y isang developing country. Sa kabila ng kahirapan, ang mga Nepalese ay nakakahanap ng ikasasaya sa buhay.

Dadag ni Direk Teng, kabaliktaran nito ang lagay sa Tsina. Mayaman ang bansa pero marami sa mga tao na may kaya sa buhay ay nananatiling walang kasiyahan o unhappy. Kaya gustong pagtuunan ito ng pansin ng direktor sa kanyang pelikula.

Sa nasabing interview ibinahagi rin ni Ni Ni, lead actress ng pelikula, na ang natutunan nya sa kanyang role bilang Cheng Yumeng, sinabi nya na "Dapat gawin mo ang bagay na makapagpapasaya sa iyo. Wag masyadong magkaroon ng maraming desires o gustong gawin sa buhay. Kasi kapag masyado kang maraming gustong gawin sa buhay baka madismaya ka at mawalan ng gana dahil di mo makukuha lahat ng gusto mo. Kaya dapat gawing simple lang ang buhay para masaya. Huwag pagurin ang sarili tungkol sa maraming mga bagay."

Ang Up in the Wind ay tungkol sa isang young magazine writer na si Cheng Yumeng na pumunta sa Nepal para makapag isip-isip. Si Ni Ni ay sumikat sa kanyang pagganap sa pelikula na Flowers of War ni Zhang Yimou. Matapos ang pelikulang ito, nagbida si Ni Ni sa 3 pelikula nitong 2013. At isa na rito ang New Year film na Up in the Wind.

Sa pelikula ipinakita nito na sa halip na umuwi sa pamilya, pinili ni Cheng at ni Wang Can (Jing Boran) na lumabas ng bansa. Pwede sabihin na ito ay pagpapakita sa nagbabagong pananaw ng mga kabataan na nagtatakwil sa tradisyon ng familial reunions tuwing New Year.

Sa halip na RomCom ang Up in the Wind ay isang Dramedy. Dahil wala naman talagang romance na nabuo sa pagitan ni Cheng at ni Wang. Sa halip pareho nilang hinahanap ang sarili at tinutukoy ang mahalagang bagay sa kanilang buhay.

Sa pelikula, hindi nawala ang sentiment na tema ng nobela ni Bao na A Travelogue, Or A Guidebook, ipinakikita nito ang kabaliktaran ng maraming chick-flicks na uso sa Tsina. Ngayon kasi maraming films ang tungkol sa mga young urban women na naghahanap ng perfect guy at perfect na trabaho.

Sa Up in the Wind, si Cheng ay namasyal sa Nepal at ang nasa isip nya ay paghahanap kung ano ba ang gusto nyang mangyari sa kanyang buhay. Will she stick to her ideals or fulfill her dreams in the bright lights of Shanghai?

Nakita kasi sa prologue ng pelikula ang lagay ni Cheng sa big city kung saan first hand niyang nararanasan ang napakalaking agwat sa pamumuhay. May linya ang kayang editor sa pelikula na "As a smalltown girl, you should have very low expectations of what bliss means."

Ayon sa isang review ang titulo na Up in the Wind ay nangangahulugan na " sa buhay ng isang tao, minsan kailangan na maging mahinahon at maghintay ng mga pagbabago. Parang hangin na nagbabaho ng lakas at direksyon. Kaya dapat ganito rin ang pananaw sa buhay. Live life with flexibility.

Sina Nini at Jing Boran