Hinggil sa CRIHinggil sa Serbisyo Filipino
   

Atake sa Istasyon ng Tren ng Kunming

(GMT+08:00) 2014-03-13 17:06:11       CRI

 Mga pengyou, noong unang araw ng Marso 2014, sampung (10) teroristang nakasuot ng itim at nakatakip ang mukha ang sumugod sa istasyon ng tren ng lunsod ng Kunming, probinsyang Yunnan ng Tsina. Ang mga teroristang ito ay pawang armado ng patalim at itak. Biglaan silang pumasok sa naturang istasyon ng tren at pinagtataga ang mga taong nakapila at bumibili ng ticket. Dalawampu't siyam (29) ang namatay at mahigit 130 ang nasugatan. Talaga pong kagimbal-gimbal ang pangyayaring ito. Hindi po maabot-isipin ng inyong lingkod na may-gagawa ng ganitong krimen. Pati ang mga walang muwang at inosenteng sibilyan ay walang habas na pinagpapatay ng mga masasamang-loob na ito.

Ang terorismo ay salot sa lipunan ng tao. Pinipinsala nito ang mga ari-arian at buhay ng mga inosenteng sibilyan. Ito ay gawain ng mga halang ang kaluluwa at maiitim ang buto. Ang mga grupong teroristiko na tulad ng Al-Qaeda, Abu Sayyaf, at Eastern Turkistan Islamic Movement ay pawang mga walang puwang sa sibilisadong mundo. Dapat na silang kalusin dahil talaga namang sumosobra na ang kanilang kasamaan. Sila ay maihahalintulad sa mga damong-ligaw na sumisira sa pananim ng mga magsasaka: at dahil sila ay mga damong-ligaw, dapat bunutin ang kanilang mga ugat upang hindi na muling tumubo. Kasama ng Amerika, Britanya, Afghanistan, Pakistan, at marami pang iba, ang Tsina at Pilipinas ay pawang mga biktima ng teroristikong pag-atake. Upang maabot ang kapayapaan at kasaganaang inaasam ng lahat, ang komunidad ng daigdig ay dapat magkapit-bisig upang labanan at puksain ang salot ng lipunan na kung tawagin ay terorismo.

Narito po ang inihanda naming espesyal na audio program hinggil dito.

Lugar na pinangyarihan ng atake

Mga biktima ng Atake sa Istasyon ng Tren ng Kunming

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>