|
||||||||
|
||
140404melo.m4a
|
Kumpirmadong Abu Sayyaf ang nasa likod ng kidnapping
PILIPINAS AT MALAYSIA NAGTUTULUNGAN; MGA OPERATIBA KUMILOS NA. Sinabi ni DFA Spokesperson Asst. Secretary Charles Jose na nagtutulungan na ang Pilipinas at Malaysia upang malutas kaagad ang pinakahuling kidnapping sa Sabah kamakalawa ng gabi. Nagtutulungan na rin ang mga tauhan ng Armed Forces of the Philippines at Philippine National Police sa paghahanap sa mga Abu Sayyaf Group sa Basilan-Sulu-Tawi-Tawi (BASULTA) area. (File Photo/Melo Acuna)
ISANG Marcelita M. Dayawan, 40 taong gulang ang kasamang nadukot sa isa na namang kidnapping incident na kagagawan ng Abu Sayyaf.
Sinabi ni Assistant Secretary at Spokesperson Charles Jose, iniulat ni Philippine Ambassador to Malaysia, J. Eduardo Malaya kay Kalihim del Rosario, isang tauhan ng embahada ang ipinadala sa Sabah kanina at nakipag-usap na sa mga pulis sa Semporna.
Nakuha ng kawani ng Embahada ng Pilipinas sa mga pulis ang pangalan ng biktima na manggagawa sa Singamata Resort.
Nakausap na ng mga opisyal ng embahada ang mga kamag-anak ni Bb. Dayawan at tinutulungan na sila.
Magkasama ang mga tauhan ng Pilipinas at Malaysia sa paghahangad na madaling malutas ang panibagong pagdukot.
Ani Ambassador Malaya, patuloy silang umaasa at nagdarasal na madaling matapos ito sa ligtas na pagkakabalik ng mga biktima sa kanilang mga pamilya.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |