Ligtas na paglalakbay, inaasahan ng pamahalaan
PHILIPPINE COAST GUARD NANAWAGAN SA MANANAKAY. Binigyang-diin ni Commander Armand Balilo (kaliwa) ang kahalagahan ng pagsakay sa mga may prangkesang sasakyang-dagat kaysa mga colorum o walang pahintulot na maglayag. Ito ang kanyang mensahe sa katatapos na Tapatan sa Aristocrat. Nasa gawing kanan si Atty. mary Ann T. Salada, Head Executive Assistant ng Land Transport Franchising and Regulatory Board. (Raymond Bandril)
PAMAHALAAN, KUMIKILOS UPANG MATIYAK ANG KALIGTASAN NG MGA MAGLALAKBAY. Sinabi ni Transport and Communications Asst. Secretary Dante M. Lantin (kaliwa) na nakapag-usap na ang mga ahensya nbg pamahalaan upang matiyak ang ligtas na paglalakbay. Na sa kanan si Ma. Jocelyn S. Lim, Chief ng Operations and Rescue Coordination Center ng CAAP. (Raymond Bandril)
MAY ginagawang hakbang ang pamahalaan upang matiyak na ligtas na makapaglalakbay ang mga biyahero ngayong Semana Santa hanggang sa summer vacation sa buong bansa.
Ayon kay Transport and Communications Assistant Secretary Dante M. Lantin, kautusan ng kanilang kalihim na tiyaking ligtas ang paglalakbay hindi lamang ngayong Semana Santa kungdi sa panahon ng bakasyon. Sa idinaos na Tapatan sa Aristocrat kanina, sinabi ni G. Lantin, pinag-usapan na nila at ng mga opisyal ng Department of Public Works and Highways ang mga gagawing pagtutulungan.
Idinagdag naman ni Arnie Santiago, Officer-in-Charge ng Enforcement Office ng MARINA na makabubuting sumakay sa may prangkesang sasakyang dagat upang maiwasan ang mga sakuna. Niliwanag ni G. Santiago na ang ipinangangalandakang ferry sa Pasig River ni Metro Manila Development Authority Chairman Francis Tolentino ay hindi sumailalim sa inspeksyon ng kanilang tanggapan at walang prangkesa.
Para kay Commander Armando Balilo, taga-pagsalita ng Philippine Coast Guard na nagpapatupad sila ng mga palatuntunan upang manatiling ligtas ang paglalakbay sa karagatan.
Bagaman, sinabi ni Ma. Jocelyn S. Lim, ang pinuno ng Operations and Rescue Coordination Center ng Civil Aeronautics Administration of the Philippines, na umaasa siyang magkakaroon ng pagkabalam sa regular na paglalakbay sapagkat madaragdagan ang flights patungo sa Pilpinas at mula sa Pilipinas patungo sa America at Europa sapagkat tinaggap na ng Pilipinas ang Category 1 status kamakaialan.
Mahalaga rin sa mga sasakyang panglupa ang pagkakaroon ng prangkesa. Ipinaliwanag ni Atty. Mary Ann Salada, ang Head Executive Assistant ng Land Transport Franchising and Regulatory Board na mayroong mga 500 mga pampaaherong bus ng nag-apply ng special permit patungo sa labas ng Metro Manila. Sumasailalim din sa mga inspeksyon ang mga bus at pampulingkong mga sasakyan at inaalam kung may sapat itong mga kagamitan at pagsusuri ng mga dalubhasa.
1 2 3 4
