BAGAMA'T nagpapasalamat sa punong lungsod ng Maynila, kay dating Pangulong Joseph Estrada sa naganap na pagdalaw sa Hong Kong, sinabi ng Malacanang na karamihan ng mga isyu sa pagitan ng Pilipinas at Hong Kong ay nalutas na bago pa man dumalaw ang dating pangulo sa maunlad na lungsod.
Sa isang press conference, sinabi ni Cabinet Secretary Jose Rene Almendras, na lumagda na ang mga opisyal ng Hong Kong at Pilipinas sa huling dokumento ng kasunduan tungkol sa 2010 Manila hostage crisis.
Ani Kalihim Almendras, nilagdaan niya ang mga dokumento. Wala naman siyang anupang sinabi. Nagsimula ang negosasyon noong Oktubre 2013 sa Asia Pacific Economic Cooperation (APEC) sa pagtatagpo ni Pangulong Aquino at Hong Kong Chief Executive C. Y. Leung.
1 2 3 4 5