|
||||||||
|
||
SA napipintong pagtatapos ng Comprehensive Agrarian Reform sa darating na Lunes, ika-30 ng Hunyo. Hindi umano magpapabaya ang Simbahan sa kalagayan ng mga abang magsasaka kaya't mahalagang pagbalik-aralan ang mga itinuturo ng social teachings.
Sa kanyang pahayag na inilabas ngayon, sinabi ni Arsobispo Socrates B. Villegas, pangulo ng CBCP at Arsobispo ng Lingayen-Dagupan, na ang kapital na kinabibilangan ng lupa ay para sa magandang kinabukasan ng mga manggagawa sapagkat ang tao ay nagpapahalaga sa paggawa. Ang isa pang dahilan ay ang tao'y mas mahalaga kaysa anumang bagay. Hindi kailangang pangalawa ang tao at higit na pahahalagahan ang lupang kanilang binubungkal.
Ang pag-aari ng pribadong tao sa yaman ng daigdig ay hindi kailanman magiging rason upang tanggihan ang mga anak ng Diyos na magkaroon ng pagkakataong pakinabangan ang mga ito.
Ayon kay Arsobispo Villegas, ang paggamit ng lupa ang nauuna sa karapatang mag-ari nito at ang private ownership ay mananatiling katanggap-tanggap kung ito'y mauuwi sa mas maayos na paggamit ng likas na yaman.
Noong 2011, ang Agrarian Reform Communities Level Development Assessment ay kinakitaan na datos na 54% ng mga tahanan sa agrarian reform beneficiaries ay mas mahirap pa sa nasa poverty line. Kahit umano may lupa sila, mahirap pa rin sila kaya't ang kanilang kategorya'y "landed poor".
Hindi sapat ang pamamahagi ng lupa kung walang anumang pasilidad na ilalaan para sa mga tatanggap ng lupain. Nakalulungkot umanong mabalitang ang salaping nararapat ilaan sa mga palatuntunan ng pamahalaan ay natutunga sa bulsa ng iilan.
Sa panig ng Simbahan ay gagawin nito ang bahagi nito sa pagpapasigla ng social action commissions na magbabantay, magmamasid at mag-uulat sa sa pamamahagi at paggamit ng salapi ng bayan sa mga palatuntunang may kinalaman sa pagsasaka.
Ikinalulungkot din ni Arsobispo Villegas na mayroong mga magsasakang nakinabang sa repormang agraryo na kinailangang talikdan ang kanilang biyaya upang magkaroon ng madaliang salapi. Ipinaarkila o isinasangla ang mga lupain.
Kailangan umanong magabayan ang mga magsasaka upang huwag mahulog sa patuloy na bitag ng kahirapan.
Ang problema ay 70% ng Certificates of Land Ownership Awards na nailabas ay pangmaramihan o collective. Kinasasangkutan ito ng may isang milyong magsasaka sa dalawang milyong ektarya. Ang legal rights ng mga magsasaka ay hindi pa nalilinaw.
Dahilan sa kawalan ng katiyakan, hindi nagagamit ang mga lupain at hindi natatamnan ng maayos. Obligasyon ito ng Department of Agrarian Reform, ayon kay Arsobispo Villegas.
Samantala umanong natapos na ang redistribution sa kamay ng pamahalaan at sa inisyatiba ng pribadong sektor, obligasyon ng lipunan na gawing productive ang mga lupain. Kailangan ang paglalaaan ng lupain at iba pang serbisyo na mamasdan ng lahat sa pagkakaroon ng transparency at mapapanagot ang nararapat managot.
Dapat magpatupad ng mga batas na magtataas ng productivity sa kanayunan. Kailangang makasama ang Simbahan sa pagbuo ng mas responsableng mga magsasaka upang huwag kailanman mabaluktot ang batas na taliwas sa pamamahagi ng lupa.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |