|
||||||||
|
||
PTNT/20140609.m4a
|
Tampok sa episode ng Pelikulang Tsino Nood Tayo ang pelikulang New Perfect Two. New – kasi noong 1984 ginawa na rin ni Kevin Chu ang comedy with the same title pero ang 2012 version ay tungkol sa relasyon ng mag-ama.
Si Abi (Vic Zhou) ay dating champion motorcycle race driver, pero dahil sa isang racing accident 6 na taon na ang nakararaan nawala ang kasikatan niya at iniwan siya ng kanyang girlfriend. Di na siya nakabangon sa kamalasan at naging lasenggo at sugarol. Para kay Abi magbabago lang ang buhay niya pag bumalik na ang girlfriend na si JiaWei (Yang Mi).
Dahil hindi pa siya nakakaget-over sa ex niya, di nya pinapansin ang pagtingin ng kapitbahay na si MaNiu (Ella Chen – singer ng SHE ). Kontento na si MaNiu na maghintay at mag-alaga kay Abi.
Isang araw bigla na lang dumating sa buhay ni Abi ang long-lost lover na si JiaWei pero kasama ang isang bata na si BinBin (Xiao Xiao Bin) na anak pala niya at dapat niyang alagaan pansamantala.
Dito umikot ang kwento ng New Perfect Two … perfect two dahil ipinakita nito ang relasyon ng mag-ama na unti-unting gumanda at naging malapit sa isa't isa.
Alamin mula sa movie buddies kung handa na ba o hindi si Vic Zhou para gampanan ang daddy roles at kung ano ang naiambag ng super sikat na child star na si Xiao Xiao Bin sa pelikulang New Perfect Two.
Para mapakinggan ang programang Pelikulang Tsino Nood Tayo gumamit ng internet browser na may pinakabagong bersyon ng Flash Player at siguruhing gumagana ang audio plug-in.
Sa mga gumagamit ng smartphones at tablet i–download ang Podcast ng Kape't Tsaa. I-like na rin ang Facebook page na CRI Filipino Service para sa iba pang updates.
© China Radio International.CRI. All Rights Reserved. 16A Shijingshan Road, Beijing, China. 100040 |