|
||||||||
|
||
melo/20140707.m4a
|
Santo Papa, darating sa Pilipinas sa Enero
POPE FRANCIS, DADALAW SA PILIPINAS SA ENERO. Ito ang ibinalita ni Manila Archbishop Luis Antonio Gokim Cardinal Tagle sa mga mamamahayag kanina. Ani Cardinal Tagle, hintayin na lamang ang opisyal na pahayag mula sa Vatican hinggil sa takdang petsa. (Jhun Dantes)
PASIG BISHOP VERGARA, MAGHAHANDA SA MEDIA COVERAGE SA PAGDATING NI POPE FRANCIS. Si Pasig Bishop Mylo Hubert C. Vergara (dulong kanan) ang magiging punong abala sa media coverage sa pagdating ng Santo Papa sa Enero. (Roy Lagarde/CBCP)
IBINALITA nina CBCP President Socrates B. Villegas, at Arsobispo Luis Antonio G. Cardinal Tagle ng Maynila at Pasig Bishop Mylo Hubert C. Vergara na darating si Pope Francis sa unang buwan ng 2015.
Sa isang press briefing, niliwanag nina Arsobispo Villegas at Cardinal Tagle na umaasa silang maihahayag ng Vatican ang takdang petsa ng pagdalaw at sa Pilipinas na tinaguriang isang "pastoral visit" sa darating na huling linggo ng Hulyo o unang linggo ng Agosto.
Umaasa sina Arsobispo Villegas at Cardinal Tagle na sa huling linggo ng Nobyembre ihahayag ng Vatican ang buong detalyes ng pagdalaw sa Pilipinas. Dumalaw na ang mga kinatawan ng Vatican City sa Pilipinas, sa Maynila at maging sa Tacloban City sapagkat binanggit ni Pope Francis na nais niyang makiisa sa mga nasalanta ng bagyong "Yolanda" noong nakalipas na Nobyembre.
Tumanggi ang mga opisyal ng Catholic Bishops Conference of the Philippines na magbigay pa ng iba pang detalyes bagaman sinabi ni Cardinal Tagle na binanggit na sa kanya ni Pope Francis na nais niyang dumalaw sa Asya na kinaroronan ng minoryang mga Katoliko.
© China Radio International.CRI. All Rights Reserved. 16A Shijingshan Road, Beijing, China. 100040 |