Walang Filipinong nasawi o nasugatan sa Gaza Strip
WALANG FILIPINONG NAPAHAMAK SA GAZA STRIP. Sinabi ni Asst. Secretary Charles Jose ng Department of Foreign Affairs na patuloy nilang binabantayan ang nagaganap sa Gaza Strip at mga kalapit pook sa Israel. Walang Filipinong nabalitang nasawi o nasugatan sa kaguluhan doon. (Melo Acuna/File Photo)
NILIWANAG ng Kagawaran ng Ugnayang Panglabas sa pamamagitan ni Asst. Secretary Charles Jose na walang natatanggap na balita tungkol sa mga Filipinong napahamak sa pag-igting ng kaguluhan sa Gaza Strip at mga kalapit pook sa Israel.
Ang Embahada ng Pilipinas sa Tel Aviv ay naglabas na ng Emergency Advisory noong ikawalo ng Hulyo at nagpapayo sa mga Filipino sa Israel na maging maingat at umiwas sa matataong pook na posibleng maging target ng pananalakay at sumunod sa mga payo ng local at national Israeli authorities. Sa mga Filipino sa Israel, maaari silang makipag-ugnayan sa embaha sa Tel Aviv sa hotline 0054-466-1188. Patuloy na babantayan ng Kagawaran ng Ugnayang Panglabas ang naganap sa Israel.
1 2 3 4 5 6 7 8