Paghahanap ng integridad at katapatan, kailangan
TRANSPARENCY AT INTEGRIDAD, MAHALAGA SA LIPUNANG PILIPINO. Ayon kay Bacolod Bishop Vicente M. Navarra, ang transparency at integrity ay hindi lamang sa lipunan kungdi sa tahanan, paaralan at mga tanggapan. Walang kabuluhan ang kampanya laban sa kawalan ng katarungan kung ang mga tao mismo ang nanggigipit sa kapwa, dagdag pa ni Bp. Navarra. (Roy Lagarde/CBCP Media Office)
SINABI ni Bacolod Bishop Vicente M. Navarra na obligasyon ng Simbahan na labanan ang kawalan ng katarungan ang panggigipit sa mahihirap. Sa kanyang mensahe sa pagdarasal na komunidad ng Bacolod matapos ang State of the Nation Address ni Pangulong Aquino, sinabi ng obispo na na ang paghahanap ng integridad at katapatan ay hindi lamang sa pamahalaan kungdi sa pagsisimula sa sarili, sa pamilya at sa mga tanggapan.
Ipinaalala ng obispo na hindi lamang pagpuna ang nararapat gawin ng mga mamamyan kungdi ang pagpapatotoo sa pangangailangang pagbabago.
Idinagdag naman ni Fr. Felix Pasquin na hinahanap pa rin ng mga mamamayan ang paliwanag hinggil sa Priority Development Assistance Fund at Disbursement Acceleration Program. Dito, aniya, mahalaga ang panalangin.
Ayon kay Bishpo Navarra, alang kabuluhan ang anumang kampanya laban sa kawalan ng katarungan kung nakaragdag ang mga mananampalataya sa pagpapasakit sa mga kababayang aba at nangangailangan.
1 2 3 4 5
