|
||||||||
|
||
141010melo.mp3
|
Malacañang kumpiyansa sa magandang rating ng pangulo
NANINIWALA si Deputy Presidential Spokesman Atty. Abigail Valte na ang magandang rating ni Pangulong Benigno Simeon C. Aquino III ang nagpapatunay na mali ang pananaw ng mga pumupuna sa kanya.
Unang lumabas sa pinakahuling survey ng Social Weather Stations na nakabawi ang katayuan ng pangulo partikular sa Third Quarter 2014 SWS survey na nagpapakita na 59% ng may 1,200 adult respondents ang satisfied sa performance ni G. Aquino samantalang may 25% ang nagsabing dissatisfied sila at dahilan upang matamo ang "good" net rating na +34.
Nagkaroon umano ng 9-point improvement mula sa "moderate" net satisfaction na +25 (55% ang satisfied at 30% ang dissatisfied na natamo noong nakalipas na Hunyo.
Mahihirapan umano ang madalas pumuna sa pangulong patunayan ang kanilang mga sinasabi sa magandang performance ngayong pinakahuling survey ng SWS.
Magugunitang binanatan si Pangulong Aquino matapos madeklarang labag sa Saligang Batas ang Disbursement Acceleration Program at sa kanyang mga pahayag na nagnanais matamo ang ikalawang termino bilang pinuno ng bansa.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |