GINAWA na ng Armed Forces of the Philippines ang mekanismo upang makauwi ang mga kawal ng Pilipinas na mayroong peacekeeping mission sa Liberia na nakararanas ng hagupit ng Ebola virus.
Nakatakda silang maka-uwi sa Maynila sa Lunes, ika-sampu ng Nobyembre.
Ayon sa pahayag ng Armed Forces of the Philippines, susundin ang kaukulang pamantayan sa kanilang pagbalik sa bansa. Mapapasailalim sila sa kwarantina sa loob ng 21 araw upang mabantayan ayon sa alituntunin ng Kagarawan ng Kalusugan.
Naghahanap pa ng sapat na pook para sa kwarantina na pansamantalang titirhan para sa 110 kataong balangay.
Kung walang anumang matatagpuang sintomas ng Ebola sa loob ng 21 araw, papayagan silang makauwi sa kanilang pamilya at magbakasyon. Pagkatapos ng kanilang pagpapahinga ay babalik na sila sa Philippine Air Force na kanilang mother unit.
1 2 3 4 5
