|
||||||||
|
||
20141016meloreport.mp3
|
ANG pagkasawi ng isang transgender sa kamay ng isang US Marine ang naging dahilan upang higit na madaliin ang pagbabalik-aral sa Visiting Forces Agreement upang matiyak na maisusulong ang interes ng bansa at makamtan ang katarungan ng mga Filipino.
Si Communications Secretary Herminio "Sonny" Coloma, Jr. ang naglabas ng pahayag bilang tugon sa mga tanong kung paano makaka-apekto ang pagkamatay ni Jeffrey "Jennifer" Laude sa kamay ng isa umanong Private First Class Joseph Scott Permerton sa kasunduan ng Piipinas at America.
Ayon kay Secretary Coloma, nakalulungkot ang pagkasawi ng isang mamamayang Filipino at hindi katanggap-tanggap sa mga Filipino kaya't nagkakaroon ng mas matibay na batayan upang suriing muli ang mga probisyong napapaloob sa kasunduan.
Noon pa mang 2010, ilang buwan matapos maluklok si Pangulong Aquino sa tanggapan, ipinag-utos na niya ang pagbabalik-aral sa VFA sa pamamagitan ng isang presidential commission na pinamunuan ni Executive Secretary Pquito Ochoa, Jr.
Noo'y sinabi ni Executive Secretary Ochoa na susuriin nila ang custody provision ng kasunduan na naging kontrobersyal sa pamamagitan ng diumano'y panghahalay sa isang nagngangalang "Nicole" na kinasangkutan ni US Marine Lance Corporal Daniel Smith.
© China Radio International.CRI. All Rights Reserved. 16A Shijingshan Road, Beijing, China. 100040 |