|
||||||||
|
||
Melo 20141119
|
Pangulong Aquino, hindi maghahabol ng ikalawang termino
IGINIIT ni Pangulong Benigno Simeon C. Aquino III na wala siyang balak na magkaroon ng ikalawang termino sa panguluhan matapos ang 2016.
Sa panayam sa The Economist sa Singapore, itinanong sa kanya kung bakit hindi na siya interesadong magkaroon ng term extension matapos niyang sabihing nais niyang buksan ang Saligang Batas upang susugan ang term limit ng pangulo.
Ipinaliwanag niyang ayaw niyang magkaroon ng panibagong Ferdinand Marcos na nagtagal ng higit sa 20 taon. Ani Pangulong Aquino magkakaroon pa rin ng mga taong handang bumitiw sa puesto. Mayroon ding mga tao, dagdag pa niya, na nag-iisip ng paraan upang manatili sa puesto.
Ayon pa sa pangulo, ang mga panukalang susugan ang Saligang Batas ay kagagawan lamang ng ilang grupo.
Tiyak umano ang kanyang pagbaba sa puesto at nagbibilang na lamang siya ng mga araw sa Malacañang. Sa katanungan kung ano ang kanyang gagawin matapos umalis sa puwesto, magpapahinga umano siya sa loob ng isang taong pagbabawal sa pagkakaroon ng anumang puwesto sa pamahalaang ipinatutupad sa lahat ng mga naging pangulo.
Nagpatuloy umanong tumulong ang kanyang namayapang ina sa pamamagitan ng micro-financing matapos siyang umalis sa panguluhan noong 1992.
© China Radio International.CRI. All Rights Reserved. 16A Shijingshan Road, Beijing, China. 100040 |