|
||||||||
|
||
Melo 20141126
|
Hindi pa rin mapakikinabangan ang coconut levy fund
MAY balak ang pamahalaan upang matulungan ang mga magsasakang umaasa sa niyog. Kinausap ni Pangulong Benigno Simeon C. Aquino III ang mga kasapi sa grupong Kilus Magniniyog na nananawagang gamitin na ang coconut levy fund para sa kanilang hanay.
Hiniling din ng grupo na magkaroon ng isang executive order upang makauo ng isang coconut farmers' trust fund. Kasama sa pulong ang Presidential Assistant on Food Security and Agricultural Modernization Francis Pangilinan.
Ani Pangulong Aquino, hindi mapapakialaman ang pondo hanggang hindi pa nagdedesisyon ang Korte Suprema sa mosyon ng pamahalaan para sa partial entry of judgment at motion for partial reconsideration sa kasong Cocofed vs Republic of the Philippines.
Batay sa desisyon, ang 27% ng total capital stock ng San Miguel Corporation na binili sa paggamit ng coconut levy funds ay pag-aari ng pamahalaan at nararapat lamang gamitin para sa kapakanan ng mga magsasaka ng niyog at sa pagpapaunlad ng lokal ng coconut industry.
Ipinaliwanag pa ng pangulo na hanggang walang desisyon ang Korte Suprema, hindi mapakikinabangan ang salaping nakalaan para sa mga magsasaka at sa industriya.
Ani Pangulong Aquino, sa oras na magdesisyon ang hukuman, tanging ang interes ng salapi ang gagamitin para sa mga magsasaka at sa industriya.
© China Radio International.CRI. All Rights Reserved. 16A Shijingshan Road, Beijing, China. 100040 |