SAPAGKAT darating si Pope Francis sa Pilipinas, pumayag ang Sandiganbayan First Division na makalabas ng piitan si dating Pangulong Gloria Macapagal-Arroyo sa loob ng apat na araw mula sa kanyang hospital detention.
Sa isang reslusyong inilabas kanina, pumayag sa bahagi ng kahilingan ng dating pangulo ang Sandiganbayan sa darating na ika-23 hanggang ika-26 ng Dsyembre mula sa unang kahilingan na bakasyon mula ika-23 ng Disyembre hanggang ikatlong araw ng Enero 2015. Nais ng dating pangulong mamalagi sa kanyang tahanan sa La Vista, Quezon City.
Pumayag ang hukuman bilang pagtalima sa kaisipang "mercy and compaasion" ngayong Kapaskuhan, lalo pa't dadalaw si Pope Francis sa darating na Enero 2015.
Ayon sa resolusyon, matapos ang matagalang talakayan at sa rasong binanggit ng akusado, at dahilan na rin sa kawalan ng malakas na ebidensya na may natipong ill-gotten wealth at wala ang natatagpuang ill-gotten wealth, at sa nalalapit na pagdalaw ni Pope Francis, kahit pa taliwas sa paninindigan ng taga-usig, pinagbigyan ng hukuman ang bahagi sa kahilingan ni Gng. Arroyo na makapag-Pasko kasama ang kanyang pamilya.
Ani Atty. Modesto Ticman, abogado ni Gng. Arroyo, ito ang unang pagkakataong pinagbigyan unanimously ang kanilang kahilingan na makalabas sa pagamutan upang makapag-Pasko kasama ang pamilya mula noong 2011.
Ikinagulat pa ni Atty. Ticman ang pagkakabanggit sa pagdalaw ng Santo Papa sa resolusyon. Nilagdaan ni Acting Chair Associate Justice Rodolfo Ponferrada at sinangayunan nina Associate Justices Rafael Lagos at Alex Quiroz ang desisyon.
1 2 3 4 5
