NAGULAT si retired Admiral Alexander Pama, executive director ng National Disaster Risk Reduction and Management Office sa mga balitang lumabas na hindi nasabihan ang mga opisyal ng lokal na pamahalaan hinggil kay "Seniang."
Ayon kay Catbalogan City Mayor Stephany Uy-Tan, wala silang natanggap na anumang abiso tungkol kay "Seniang" kaya't may 20 katao ang nasawi sa pagguho ng lupa. Kung nakatanggap sila ng balita, nailikas nila ang mga mamamayan tulad ng ginawa nila ng dumaan ang bagyong "Ruby."
Sinabi rin ni Misamis Oriental Governor Bambi Emano na naiwasan sana ang mga nasawi at nasugatan kung handa ang pamahalaang pambansa.
Sa panayam naman sa telebisyon, sinabi ni Admiral Pama na naabisuhan nila ang mga opisyal ng pamahalaang lokal sa posibleng pinsalang idudulot ni "Seniang."
Inidaan nila ang impormasyon sa regional at provincial disaster officials patungo sa local government units sa tulong ng Department of Interior and Local Government.
Ipinaliwanag ni Admiral Pama na kung totoo ang mga impormasyon ng mga local government officials, pagbabalik-aralan nila ang mga kalakarang ipinatutupad ng pamahalaang pambansa.
1 2 3 4 5
