TINIYAK ng Malacanang na walang anumang katiwaliang magaganap sa pagsisiyasat ng pamahalaan sa sagupaang ikinasawi ng 44 na pulis ng Special Action Force noong nakalipas na linggo.
Ayon kay Presidential Spokesperson Edwin Lacierda walang sasantuhin sa gagawing pagsisiyasat ng board of inquiry ng executive department.
Sinabi ni Kalihim Lacierda sa mga mamamahayag na mawawalan ng katarungan ang pagkasawi ng "Fallen 44" kung magkakaroon ng whitewash o sacred cows. Napaslang ang mga pulis sa pagkikipagsagupa sa mga kasapi ng Moro Islamic Liberation Front at iba pang Muslim rebels. Darakpin umano ng mga pulis si Zulkifli bin Hir na kilala sa pangalang Marwan, kasama ng Jemaah Islamiyah terror group.
Magugunitang nag-utos ng imbestigasyon si Pangulong Benigno Simeon C. Aquino III at nangako naman si MILF Chief Murad Ibrahim na gagawi rin ng sariling pagsisiyasat.
1 2 3 4 5 6 7 8 9