|
||||||||
|
||
PTNT/20150202.m4a
|
Ang Fantasia ay pelikulang tungkol sa masalimuot na buhay ng isang pamilya matapos magkasakit ang padre de pamilya ng cancer. Sa Chongqing nakatira ang familya Si Zhao (Zhang Xu) ay isang manggagawa sa Guangming Gear Factory at sa kasamaang palad ay nagkasakit siya ng leukaemia. Kailangan makakalap ang pamilya ng RMB21,000 o PHP147,000 para siya ay makapagpagamot at masalinan ng dugo.
Para makaipon ng pera ang asawang si Tang Min (Su Su) na dating singer sa isang performing troupe at nagtitinda ng dyaryo at naglilibot ng gatas sa mga kapitbahay. Lumalala ang sakit ni Zhao hanggang sa dumating ang punto na ito ay nawalan ng malay at naospital.
Hirap talaga ang buhay ang pamilya at lalong nalugmok ang kanilang kalagayan nang biglang bawasan ng factory ang tulong medikal para kay Zhao. Para magkaroon ng dagdag na kita napilitang magbenta ng dugo si Tang Min. Samantalang ang dalagang anak Zhao Xingqin (Joyce Jian) ay nagtrabaho bilang hostess KTV. At ang anak na lalaki naman na si Zaho Lin (Hu Ruijie) ay napilitang mag drop-out at nawalan ng direksyon ang buhay
Walang gamot ang leukaemia ni Zhao. At wala ring nalapitan ang pamilya para hingan ng tulong. Dahil sa nakalulungkot na kalagayan ang bunsong anak ay nagkubli sa kanyang sariling malapantasyang mundo. Ang pelikula ay ginanap sa Chongqing. Makikita dito ang isang makabagong lunsod na may sariling natatanging landscape na puno ng matatayog na gusali. At sa pelikula makikita ang pampang ng Yangtze River na puno ng mga nasabing modernong mga gusali at nakakaakit na maliwanag na ilaw na tumatabon din sa mga lugar na pimamumugaran ng taong kapos-palad.
Kilalanin ang multi-awarded 6th Generation Chinese filmmaker na si Wang Chao sa programang Pelikulang Tsino, Nood Tayo at alamin ang mga detalye ng Fantasia kasama ang mga movie buddies na sina Mac, Andrea at Sarah.
Ang bidang babae na si Hu Ruijie at ang direktor na si Wang Chao
© China Radio International.CRI. All Rights Reserved. 16A Shijingshan Road, Beijing, China. 100040 |