Ang direktor ng pelikula ay si Cao Baoping. Si Cao Baoping ay mula sa Shanxi Tsina at isang kilalang manunulat at direktor na nasa edad na 40s. Nagsimula ang kanyang career sa TV pero sa kasalukuyan ay mas marami ang notable movie projects niya. Kabilang dito ang black rural comedy na Trouble Makers (2006), road comedy na The Equation od Love and Death (2008) at ang coming of age movie na Einstein and Einstein (2013).
Ang screenplay ng The Dead End ay batay sa 2010 novel na Sunspots na isinulat ni Xu Yigua ang pen name ng writer na si Xu Ping. Si Xu Ping ay isang reporter sa politika at batas para sa Xiamen Evening News. Ang kanyang orihinal na novel ay naganap sa panahon ng 1998 kung saan kanyang ipinakita ang 'tagisan sa pagitan ng krimen at kaparusahan" Sa nobela ang tatlong characters ay sinubukang pagsisihan ang kanilang matinding kasalanan --- dahil sangkot sila sa isang krimen na naganap 10 taon na ang nakararaan. Para mabawasan ang guilt inalagaan nila ang anak ng isa sa kanilang biktima.
Ang The Dead End ay multiple award-winner sa Shanghai Film Festival nitong June. Si Cao Baoping ay nanalo ng Best Director. Naging Best Actor din ang 3 actors - Deng Chao, Guo Tao and Gao Hu sa Shanghai Intl Film Festival. At ayon sa pinahuling ulat bago magtapos ang buwan ng Agosto, ang pelikula ay kumita ng 100 million yuan o 16 million US Dollars sa takilya.
Alamin ang iba pang detalye ng pelikula mula sa mga movie buddies na sina Mac, Andrea at Sarah sa programang Pelikulang Tsino, Nood Tayo.
