|
||||||||
|
||
Micro-entrepreneurs, malaki ang pagkakataong higit na lumago
SINABI ni Bangko Sentral ng Pilipinas Governor Amando Tetangco na karamihan sa mga nagwagi sa mga idinaos na Citi Microentrepreneurship Awards ang nakapasok na sa pamilihang pandaigdig at naitatanghal na ang mga produktong gawa sa Pilipinas.
Mas madaragdagan pa ang kanilang bilang sa pamamagitan ng ASEAN integration. Mas maraming oportunidad tulad na nakikita sa katatapos na APEC 2015 Manila Summit na siyang magiging baytang tungo sa inclusive growth.
Sa paglago ng mga maliliit na kalakal, nadaragdaran ang mga manggagawa at nagiging mauunlad ang kanilang mga komunidad.
Sa kanyang talumpati sa parangal kahapon, sinabi ni G. Tetangco na mayroong 173 mga bangkong sangkot sa microfinance hanggang noong ika-tatlumpu ng Hunyo 2015. Umabot sa P 10.4 bilyon ang salaping nailabas sa may 1.27 milyong nangutang.
Noong Hunyo ng 2014, mayroong 1.13 milyong nangutang sa halagang umabot sa P 9.1 bilyon. Nadaragdagan ang microfinance loans at bilang ng mga nanghihiram ng salapi.
Pinasalamatan ni G. Tetangco ang mga microentrepreneur, microfinance institutions, government agencies at pribadong sektor na nagsusulong ng kalakalan sa mga maliliit na negosyante.
Tiyak umanong gaganda ang ekonomiya at at makakaangat ang milyun-milyong mga Filipino sa pamamagitan ng angkop na kalakalan, dagdag pa ni G. Tetangco.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |