PDP - Lakas ng Bayan, humiling sa Korte Suprema
DUMULOG ang partido ni Pangulong Rodrigo Duterte sa Korte Suprema upang pawalang-saysay ang desisyon ng Commission on Elections na nagbigay ng dagdag na panahon na magsumite ng Statement of Contributions and Expenditures (SOCE) sa kahilingan ng partido ni dating Pangulong Benigno Simeon C. Aquino III, ang Liberal Party.
Sa isang 22-pahinang petisyon para sa certiorari, sa pamamagitan ng kanilang Secretary-General na si Davao del Norte 1st District Representative Pantaleon Alvarez, sinabi ng partido na umabuso ang Comelec nang pagbigyan nito ang kahilingan ng Liberal Party mula sa deadline na ika-walo ng Hunyo ay nagawang hanggang sa katapusan ng buwan.
Ayon sa PDP-LABAN, ang Comelec Resolution 10147 ay lumabag sa Republic Act 7166 na pinamagatang Act Providing for Synchronized National and Local Elections and for Electoral Reforms, ang Section 14 na nagsasaad na ang bawat kandidato at tesorero o ingat-yamat ng partido ang nakatakdang magsumite ng SOCE sa loob ng 30 araw matapos ang halalan.
Anang petisyon, ang deadline ay saklaw ng batas at hindi kailanman nararapat magkaroon ng palugit.
1 2 3 4