NAKASAGUPA ng Anti-Illegal Drug Group sa Maguindanao at mga tauhan ng Makilala Police Station, Regional Public Safety Battalion sa Region 12 at CIDG North Cotabato ang grupo ni Saudi Ampatuan Mayor Sansudin Otto Dimaukon sa isang checkpoint sa Old Balatukan, Makilala, North Cotabato na ikinasawi ng punongbayan at siyam na iba pa.
Nakatanggap ng impormasyon mula sa isang confidential agent ang mga autoridad na ang grupo ni Mayor Dimaukon ang magdadala ng illegal drugs sa Maguindanao at Cotabato area sakay ng isang Toyota Land Crusier at isang Toyota Super Grandia. Naglagay ng checkpoint ang mga autoridad sa ilalim ni Police Chief Inspector Jovit Culaway sa dadaanan ng grupo.
Kaninang ika-apat at kalahati ng umaga, paglapit sa checkpoint ang grupo ni Mayor Dimaukon, tumigil ang mga sasakyan at pinaputukan ang mga autoridad na papalapit naman sa mga sasakyan.
Matapos ang dagliang putukan, isinugod si Mayor Dimaukon at mga kasama sa Midway Hospital at Makilala Medical Specialists Hospital subalit deklaradong mga nasawi pagdating sa pagamutan. Nabawi ng mga autoridad ang ilang piraso ng mga baril.
Ang napaslang na punongbayan ay pinangalanan na ni Pangulong Duterte na kasama ng mga politikong sangkot sa illegal drugs.
1 2 3 4
