|
||||||||
|
||
161111melo.mp3
|
Mga dating opisyal ng pamahalaan nababahala sa desisyon ng Korte Suprema
NABABAHALA ang mga kasapi sa Former Senior Government Officials, isang samahan ng mga dating opisyal ng pamahalaang naglingkod sa ilalim ng iba't ibang pangulo ng bansa sa naging desisyon ng Korte Suprema sa isyu ng paglilibing sa yumaong diktador na si Ferdinand Edralin Marcos.
Sa isang pahayag, sinabi ng mga kasapi sa samahan na nananatiling mahalaga sa mga nakaligtas sa Batas Militar, sa pagtatangka ng pamahalaang mabawi ang nakaw na yaman ng mga Marcos at sa pagpapahalaga ng bansa sa Kasaysayan at pagkatao.
Tinalikdan umano ng Korte Suprema ang papel nito mula ng mapatalsik ang batas militar at mapalayas sa Malacanang si G. Ferdinand marcos at kanyang pamilya. Nagpigil umano ng hukuman sa pagsasabing isang political issue ang libing at ang pagpapahintulot sa pamahalaang makipagtransaksyon kapalit ng mga pabor sa larangan ng politika.
Isinaad ng Korte Suprema ang pinakamababang antas sa paggagawad ng parangal sa isang yumaong pangulong puminsala sa bansa at mga mamamayan. Sa pagsasabing hindi masamang tao si G. Marcos at binigyan pa ng katwiran ang pagpapalibing sa labi ng dating pangulo sa Libingan ng mga Bayani dahil sa kanyang mga posisyong nakamtan.
Kinilala pa ng Korte Suprema ang pagkakahalal kay Bongbong Marcos bilang pagpapatunay na napatawad na ng mga mamamayan ang kanyang ama. Pinalalakas lamang ng Korte Suprema ang pahayag ng mga Marcos na napagtakpan na ang mga kasalanan ng ama sa magandang nagawa ng anak.
Hindi umano maghihilom ang mga sugat na nakamtan noong nakalipas na rehimen. Ipinakita na rin ng ehekutibo ang kanilang poder sa legislatura at mga hukuman. Sa pagkawala ng "separation of powers," kailangang maging mapagbantay ang mga bumubuo sa civil society.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |