|
||||||||
|
||
20161111melo.mp3
|
Pangulong Duterte at Prime Minister Razak, nag-usap
NAGING sentro ng pag-uusap nina Pangulong Rodrigo Duterte at Pime Minister Najib Abdul Razak ang mga isyung may kinalaman sa seguridad at ekonomiya sa kanilang pagkikita kahapon.
Ayon sa Malacanang, tinanggap ni Prime Minister Najib si Pangulong Duterte sa Prime Minister's Office kasama ang kanyang delegasyong binubuo nina Foreign Affairs Secretary Perfecto R. Yasay, Jr., Defense Secretary Delfin Lorenzana, Trade Secretary Ramon Lopez, Communications Secretary Martin Andanar, National Security Adviser Hermogenes Esperon, Jr., Special Assistant to the President Lawrence Go, Peace Adviser Jesus Dureza at Senator Alan Peter Cayetano.
Sa isang panayam matapos ang pag-uusap, sinabi ni Foreign Affairs Secretary Yasay na pinag-usapan ang mga paraan upang higit na mapalakas ang magandang relasyon ng dalawang bansa at kung paano maisusulong ang kalakalan.
Napag-usapan din ang pagbabantay sa hanggangan ng dalawang bansa upang malabanan din ang pamimirata, kriminalidad, kidnapping at hostage-taking incidents.
Nagkasundo sina Pangulong Duterte at Prime Minister Razak na buhayin at palakasing muli ang Brunei Darussalam-Indonesia-Malaysia-Philippines East ASEAN Growth Area.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |