IPINARATING na ng mga pinuno ng House Justice Committee ang kanilang reklamo laban kay Senador Leila de Lima Senado sa paglabag nito sa alituntunin ng Kongreso sa pagpapayo sa dating tsuper na si Ronnie Dayan na huwag dumalo sa imbestigasyon.
Paglabag umano ito sa Article 150 ng Revised Penal Code. Sina Speaker Pantaleon Alvarez, Majority Leader Rodolfo Farinas at House Justice Committee Chairman Reynaldo Umali ang nagdala ng reklamo sa tanggapan ni Majority Leader Vicente Sotto III, chairman ng Senate Ethics Committee.
Ayon sa mga nagreklamo, direktang nakialam si Senador de Lima. Unang binanggit ni Dayan na pinayuhan siya ni dating Justice Secretary de Lima na huwag dadalo sa imbestigasyon ng Mababang Kapulungan na nag-iimbestiga sa sinasabing pagkakasangkot nina Dayan at De Lima sa pagkalat ng kalakal ng ilegal na droga sa New Bilibid Prison.
1 2 3 4 5 6 7 8