|
||||||||
|
||
Mga dalubhasa, kailangan sa isang lupon
KAILANGAN ng inter-agency Mining Industry Coordinating Council ng P 50 milyon upang makakuha ng mga tinaguriang independent experts upang suriin ang operasyon, 'di lamang ng 28 minahan na ipinasara o sinuspinde ng Department of Environment and Natural Resources kungdi ang lahat ng 311 kontrata ng minahan sa bansa.
Ito ang sinabi ni Asst. Secretary Paola Alvarez, tagapagsalita ng Department of Finance bilang pagtalima sa kautusan ni Pangulong Rodrigo Duterte. Sumang-ayon na si Secretary Regina Lopez sa paghiling ng salapi sa Department of Budget and Management na tatagal ng may tatlong buwan sa kanilang pagpoproseso.
Pagbabalik-aralan nila ang technical, legal, social, environmental at economic aspects ng lahat ng kontrata sa pagmimina sa bansa. Magugunitang hiniling ni Secretary Lopez na huwag nang lumahok si Undersecretary Bayani Agabin sa lupon sapagkat may koneksyon siya sa mga kumpanya ng mga minahan. Ani Atty. Alvarez, may kalayaan siyang humiling at may karapatan din ang ibang sector na kontrahin ang paghirang sa DENR secretary sa Commission on Appointments dahil sa sinasabing conflict-of-interest.
Niliwanag ni G. Agabin na propesyunal ang kanyang koneksyon sa Philippine Associated Smelting and Refining Corporation o PASAR may 15 taon na ang nakalilpas at sa Rapu-Rapu Minerals, Inc., may sampung taon na ang nakalilipas.
© China Radio International.CRI. All Rights Reserved. 16A Shijingshan Road, Beijing, China. 100040 |