|
||||||||
|
||
Melo 20170501
|
Pangulong Duterte, bukas siya sa pagsasanay kasama ang Chinese Navy sa Sulu Sea
SINABI ni Pangulong Rdorigo Duterte na bukas siya sa posibilidad na makipagsanay ang Philippine Navy sa Chinese Navy hindi lamang sa South China Sea kungdi maging sa Sulu Sea.
Ito ang kanyang binanggit matapos ang kanyang pagdalaw sa flagship destroyer na Chang Chun na dumadalaw sa Davao City mula kahapon hanggang bukas. Maari umanong makipagsanay ang mga magdaragat na Filipino sa mga Tsino hindi lamang sa South China Sea kungdi maging sa Sulu Sea.
Unang narinig kay Pangulong Duterte ang posibilidad na ito noong Oktubre ng 2016 na bukas siya sa pakikipagsanay sa mga magdaragat na Ruso at Tsino. Narinig din noon ang kanyang pahayag na nais niyang wakasan na ang war games sa mga Americano.
Natuwa si Pangulong Duterte sa kanyang pagdalaw sa barkong Chang Chun na maihahambing umano sa isang hotel sa linis at pagkakaroon ng carpet.
Ang pagdalaw ng mga magdaragat ng People's Liberation Army ay bahagi ng confidence-building at pakikipagmabutihang-loob sa mga panauhin. Ang kanyang pagdalaw sa barkong Tsino ay pagpapakita lamang ng pakikipagkaibigan sa mga panauhin. Siya umano ang humiling na dumalaw ang mga Tsino ay ipakita ang kanilang mga sasakyang-dagat.
Tumanggi siyang nag-aalok ng mga kagamitan para sa Sandatahang Lakas ng Pilipinas ang mga dumadalaw na magdaragat mula sa Tsina.
Dumating ang People's Liberation Army (PLA) Naval Task Group 150 sa Sasa Port kahapon at mananatili doon hanggang bukas.
© China Radio International.CRI. All Rights Reserved. 16A Shijingshan Road, Beijing, China. 100040 |