|
||||||||
|
||
Melo 20170515
|
Dalawang propesor at isang kolumnista, umaasang magbubunga ng mabuti ang Belt and Road Initiative
NANINIWALA si Professor Bobby Tuazon, Director for Policy Studies ng Center for People Empowerment in Governance ng Univerity of the Philippines na may panibagong simula ang ekonomiya sa daigdig na ang sandigan ay pakikipagkaibigan at pagtutulungan.
Sa isang panayam, sinabi ni G. Tuazon na mahalaga ang pagkakaroon ng interconnectivty sa pagitan ng mga mamamayan sa daigdig, mula Asia hanggang Africa at ilang bahagi ng Europa.
Tunay ng isang proyekto ng daang-taon sapagkat hindi lamang nakatuon sa mga pagawaing-bayan, kalakal, industriya at paglilipat ng teknolohiya bagkos ay sa pagbabahaginan ng kaalaman sa agham sa mga bansang kabilang sa samahan.
Madali itong matatanggap ng mga taong may bukas na pag-iisip sapagkat binanggit na ni Pangulong Xi Jinping ng Tsina na ang Belt and Road Initiative ay nakasalalay sa pagiging patas, hindi pakiki-alam sa mga nagaganap sa mga kaibigang bansa, paggalang sa kultura ng bawat isa.
Tapos na ang military alliances at paghahasik ng kaguluhan sapagkat ang nais ng karamihan ng mga mamamayan ay kapayapaan at kaunlarang kailangang magkatotoo.
Sa panig ni G. Rod Kapunan, isang kolumnista sa pahayagang Manila Times, ibinabalik lamang ni Pangulong Xi ang dating pagkakaibigan ng mga bansa tulad ng pagkakaibigan ng mga Pilipino at Tsino noong panahon ng Sultan ng Sulu na dumalaw sa Tsina noong ika-14 na siglo.
Ipinaliwanag pa ni G. Kapunan na hindi maiiwasan ang pag-unlad ng Tsina sapagkat mayroong magandang pananaw ang mga pinuno nito na naniniwalang higit na pakikinabangan ang kapayapaan sa rehiyon at sa daigdig.
Napuna naman ni Prof. Clarita Carlos na ang tema ng mga nagsalita ay kapayapaan, pagiging bukas, pagbabago, kaunlaran at pagsasama-sama ng mga mga ekonomiya sa Asia, sa Africa at sa ilang bahagi ng Europa.
Sinabi ni Pangulong Xi na kaunlaran ng pangkalahatan ang nais niya. Maganda umanong simula ang naganap kahapon, dagdag pa ni Prof. Carlos.
© China Radio International.CRI. All Rights Reserved. 16A Shijingshan Road, Beijing, China. 100040 |