|
||||||||
|
||
Melo 20170605
|
Security personnel, sisiyasatin din
MAGTATANONG ang Philippine National Police sa mga tauhan ng Resorts World kung bakit nila iniwanan ang kanilang trabaho sa closed circuit television room matapos pumasok ang isang armadong lalaki noong Biyernes ng gabi.
Ayon ky NCRPO Director Oscar Albayalde, sa isang panayam sa telebisyon, nais niyang mabatid ang dahilan ng mga security personnel sa kanilang pag-alis sa trabaho samantalang may kaguluhang nagaganap.
Aalamin din nila ang ilan pang security lapses ng RSM at maging ng NC Lanting Security Specialist Agency. Kung walang umalis sa kanilang trabaho, mas madaling nasubaybayan ang armadong lalaking kinilala na kahapon.
Pumasok ang armado sa casino samantalang may dalang automatic rifle. Pinigil na sana ng isang babaeng security guard ang armado subalit ng hindi mapigil ay tumakbo na lamang palayo na naging simula ng paglikas at pagkakaroon ng stampede.
Aalamin din ng mga autoridad kung paano nakarating sa suspect ang dalawang baril, isang armalite at isang short firearm na huling narehistro sa isang taong nasa America na ngayon.
© China Radio International.CRI. All Rights Reserved. 16A Shijingshan Road, Beijing, China. 100040 |